حاسب يا أسطى
هدّي يا أسطى
هنموت يا أسطى
بالصلاة ع النبي أنا هحكيلكم حكايتنا الأزلية
يا أدي الوكسة دي نفس الحادثة بتتعاد كل شوية
بالصلاة ع النبي أنا هحكيلكم حكايتنا الأزلية
يا أدي الوكسة دي نفس الحادثة بتتعاد كل شوية
أنا راكب أتوبيس مع ناس
مجانين وأنا بينهم محتاس
ونازلين كوبري بآخر سرعة
والسواق داخل على ترعة
شيكايّو يا شيكايّو
سوّاقنا ده مافيش زيّه
شيكايّو يا شيكايّو
سوّاقنا ده مافيش زيّه
والسواق مبسوط وبيضحك ومافيش حتى فرامل
كل ما أقول له هنغرق يا أسطى ولا سامع ولا سأل
والسواق مبسوط وبيضحك ومافيش حتى فرامل
كل ما أقول له هنغرق يا أسطى ولا سامع ولا سأل
والركاب مقسومة نصين
وإحنا في وسطيهم مساكين
فيه ناس تطبّل له وبتشجّع
وناس بتدعي الأتوبيس يولع
شيكايّو يا شيكايّو
سوّاقنا ده مافيش زيّه
شيكايّو يا شيكايّو
سوّاقنا ده مافيش زيّه
يا باشا معاك بني آدمين
شيل رجلك من ع البنزين
يا أسطى معاك بني آدمين
شيل رجلك من ع البنزين
يا باشا ما تخش شمال
هو إنت ما عندكش عيال
يا باشا ما تخش شمال
إنت ما عندكش عيال
يا أسطى وحياة أبوك
أنزل هنا أرجوك
يا أسطى وحياة أبوك
أنزل هنا أرجوك
وفي تلك اللحظة التاريخية
وإحنا بنبقلل في الميّة
الحدوتة خلصت يا عنيّا
ونتقابل في الحادثة الجاية
شيكايّو يا شيكايّو
سوّاقنا ده مافيش زيّه
شيكايّو يا شيكايّو
سوّاقنا ده مافيش زيّه
شيكايّو يا شيكايّو
يا شيكايّو
شيكايّو يا شيكايّو
يا شيكايّو
ويا اللي ع الترعة حوّد ع المالح، مالح
إحنا في الميّة من ليلة إمبارح
أوي أوي أوي
سيّد يا سيّد في الخيبة نصبح ونبيّت
سيّد يا سيّد في الخيبة نصبح ونبيّت
ما تزغرطي يا أمّ فاروق
إبنك في الميّة مزنوق
سواقنا ده مافيش زيّه
نظرات